"Bavariya" hujumchisi Xarri Keyn hujumdagi sheriklari bilan aloqasini baholadi.
Juma kuni Vensan Kompani jamoasi Bundesliga 1-turidan o‘rin olgan "RB Leypsig"ga imkoniyat qoldirmadi (6:0). Keyn xet-trik qayd etdi, Maykl Olise ikkita gol urdi, Luis Dias bitta gol va ikkita golli uzatmani o‘z hisobiga yozdirib qo‘ydi.
"Men bir yildan beri Olise bilan o‘ynayman va o‘zaro tushunishimiz tobora yaxshilanayotganini his qilyapman. U birinchi bo‘limda ajoyib o‘ynadi, ajoyib gollar urdi. Lucho [Luis Dias]ga kelsak, u bu yerda atigi bir necha hafta bo‘ldi, lekin biz bir necha yildan buyon birga o‘ynagandek his qilyapman. Bugun u menga bir ajoyib golli pas berdi," - dedi Keyn o‘yindan keyingi intervyusida.
