"Бавария" ҳужумчиси Харри Кейн ҳужумдаги шериклари билан алоқасини баҳолади.

Жума куни Венсан Компани жамоаси Бундеслига 1-туридан ўрин олган "РБ Лейпциг"га имконият қолдирмади (6:0). Кейн хет-трик қайд этди, Майкл Олисе иккита гол урди, Луис Диас битта гол ва иккита голли узатмани ўз ҳисобига ёздириб қўйди.

"Мен бир йилдан бери Олисе билан ўйнайман ва ўзаро тушунишимиз тобора яхшиланаётганини ҳис қиляпман. У биринчи бўлимда ажойиб ўйнади, ажойиб голлар урди. Лучо [Луис Диас]га келсак, у бу ерда атиги бир неча ҳафта бўлди, лекин биз бир неча йилдан буён бирга ўйнагандек ҳис қиляпман. Бугун у менга бир ажойиб голли пас берди," - деди Кейн ўйиндан кейинги интервьюсида.