"Bavariya" sport bo‘limi boshlig‘i Maks Eberl klubning yozgi transfer oynasining qolgan qismidagi rejalari bilan o‘rtoqlashdi.
Myunxen grandi Bundesliga chempionligi himoyasini o‘z maydonida "RB Leypsig"ga qarshi o‘yin bilan boshladi - 6:0.
"Hozircha transfer oynasini muvaffaqiyatli o‘tkazyapmiz. Biz allaqachon Ta, Bishof va Luis Diasni sotib oldik, endi esa yana kim bilandir shartnoma imzolashni rejalashtirmoqdamiz - gap ijara haqida ketmoqda. Kuzatuv kengashi yana bir futbolchini ijaraga olishimiz mumkinligi haqida qaror qabul qildi va hozir bu borada ish olib borilmoqda. "Bavariya"ni kuchaytira oladigan top darajadagi futbolchini topish qiyin, ammo biz qo‘limizdan kelganini qilyapmiz," - deya funksionerning so‘zlarini keltiradi Bayern & Germany.
