"Бавария" спорт бўлими бошлиғи Макс Эберль клубнинг ёзги трансфер ойнасининг қолган қисмидаги режалари билан ўртоқлашди.
Мюнхен гранди Бундеслига чемпионлиги ҳимоясини ўз майдонида "РБ Лейпциг"га қарши ўйин билан бошлади - 6:0.
"Ҳозирча трансфер ойнасини муваффақиятли ўтказяпмиз. Биз аллақачон Та, Бишоф ва Луис Диасни сотиб олдик, энди эса яна ким биландир шартнома имзолашни режалаштирмоқдамиз - гап ижара ҳақида кетмоқда. Кузатув кенгаши яна бир футболчини ижарага олишимиз мумкинлиги ҳақида қарор қабул қилди ва ҳозир бу борада иш олиб борилмоқда. "Бавария"ни кучайтира оладиган топ даражадаги футболчини топиш қийин, аммо биз қўлимиздан келганини қиляпмиз," - дея функционернинг сўзларини келтиради Bayern & Germany.
