Londonning «Arsenal» klubi bosh murabbiyi Mikel Arteta yosh iqtidor egasi Maks Doumenning APLdagi debyutini sharhladi.

«Bu — biz har kuni mashg‘ulotlarda ko‘radigan narsa. U ayrim vaziyatlarda qanday harakat qilishini, jamoa tarkibida o‘zini qanday his qilishini ko‘rsatdi. U «Manchester»ga safarda tarkibga kiritilmaganidan keyin ham zaxiradan maydonga tushib, tayyor ekanini namoyish qildi. Bu uning oilasi uchun ham katta kompliment. Menimcha, bu yigitda katta yetuklik, barqarorlik va maqsadga intilish bor — bunday fazilatlarni yosh futbolchilarda juda kam uchratish mumkin.

Albatta, Peru, akademiya, barcha murabbiylar va uning futbolida hissa qo‘shgan insonlarga ham minnatdorchilik bildirish kerak. Chunki bu yerda hech shubhalanmaydigan yigit bor — u 15 yoshida ham maydonga chiqib, muvaffaqiyat qozonishiga ishonadi. Men hayotimda bunday ishonchni ko‘rmaganman. Biz uchun esa bu — quvonch, hissiyot va ishimizni yanada chiroyli qiladigan narsa», — deya Arteta so‘zlarini «Arsenal» rasmiy sayti keltirdi.

Eslatib o‘tamiz, APLning dastlabki ikki turidan so‘ng «Arsenal» 6 ochko to‘plab, hech qanday gol o‘tkazmagan holda chempionatda peshqadamlik qilmoqda.