Kecha A Seriya 1-turidan o‘rin olgan o‘yinda "Roma" "Bolonya"ni minimal hisobda mag‘lub etdi (1:0). Rimliklar bosh murabbiyi Jan Pyero Gasperini g‘alaba haqida gapirdi.
"Futbolchilarni tabriklayman, chunki birinchi o‘yin har doim ham oson kechmaydi. Jamoa salobatli ko‘rindi, men ko‘p yaxshi narsalarni ko‘rdim va muxlislar buni qadrlashdi, bu esa quvonarli. Biroz aniqroq bo‘lganimizda, ikkinchi golni urib, o‘yinni xotirjamroq yakunlashimiz mumkin edi," - dedi mutaxassis o‘yindan so‘ng.
Gasperinining qo‘shimcha qilishicha, chempionat boshida kuchli jamoa ustidan qozonilgan g‘alaba unga "Roma"ning bu mavsumdagi muvaffaqiyatiga umid bermoqda.
