Кеча А Серия 1-туридан ўрин олган ўйинда "Рома" "Болонья"ни минимал ҳисобда мағлуб этди (1:0). Римликлар бош мураббийи Жан Пьеро Гасперини ғалаба ҳақида гапирди.

"Футболчиларни табриклайман, чунки биринчи ўйин ҳар доим ҳам осон кечмайди. Жамоа салобатли кўринди, мен кўп яхши нарсаларни кўрдим ва мухлислар буни қадрлашди, бу эса қувонарли. Бироз аниқроқ бўлганимизда, иккинчи голни уриб, ўйинни хотиржамроқ якунлашимиз мумкин эди," - деди мутахассис ўйиндан сўнг.

Гасперинининг қўшимча қилишича, чемпионат бошида кучли жамоа устидан қозонилган ғалаба унга "Рома"нинг бу мавсумдаги муваффақиятига умид бермоқда.