"Borussiya" yarim himoyachisi Job Bellingemning otasi Mark Germaniya chempionatining 1-turidan o‘rin olgan "Sankt-Pauli"ga (3:3) qarshi o‘yinda o‘g‘li tanaffusda almashtirilganidan norozi bo‘ldi, deb xabar beradi Sky Sport.
Qayd etilishicha, o‘yin yakunlangach, tribuna ostidagi xonada Mark Bellingem va "Borussiya" sport direktori Sebastyan Kel o‘rtasida emosional suhbat bo‘lib o‘tgan. Yarim himoyachining otasi dortmundliklarning o‘yinidan va birinchi bo‘limdan keyin Jobning almashtirilishidan norozi bo‘ldi.
Bellingem 2025 yil iyun oyida "Borussiya"ga qo‘shildi va klub bilan 2030 yil yozigacha shartnoma imzoladi. Avvalroq, uning akasi Jud "qora-sariqlar" safida o‘ynagan va 2023 yilda "Real"ga o‘tgan edi.













