"Liverpul" "Nyukasl" hujumchisi Aleksandr Isakni o‘z safiga qo‘shib olish fikridan qaytmayapti, ammo ortiqcha pul to‘lamoqchi emas.

"Hakkalar" "qizillar"ning shvesiyalik futbolchi bo‘yicha 110 mln funt (taxminan 127 mln yevro) miqdoridagi birinchi taklifini o‘ylab o‘tirmay rad etdi. "Liverpul" vakillari bu taklifni "kam" deb hisoblashmayapti, shuning uchun ko‘proq taklif qilishmaydi. Ko‘plab mish-mishlarga ko‘ra, "Nyukasl" o‘z yulduzi uchun 150 million funt (173,5 million yevro) so‘ramoqda - mersisaydliklar bu miqdorni to‘lamasligi aniq, deb xabar beradi jurnalist Ben Jeykobs. "Liverpul"dagilarning fikricha, bunday kelishuv kelajakda klubni noqulay ahvolga solib qo‘yadi, shuningdek, butun bozorga salbiy ta’sir ko‘rsatadi.

Agar manbaga ishonadigan bo‘lsak, "Liverpul" Isakni sotib olish uchun taxminan 120 mln funt (deyarli 139 mln yevro) sarflashga tayyor, ammo bundan ko‘p emas. "Nyukasl" bunday shartlarni qabul qiladimi yoki yo‘qmi, noma’lumligicha qolmoqda.