"Chelsi" markaziy himoyachisi Aksel Disasi Angliya Premyer-ligasining boshqa klubiga o‘tishi mumkin. Fransuz "ko‘klar" transfer oynasi yopilgunga qadar xayrlashmoqchi bo‘lgan futbolchilar qatoridan joy oldi. Jurnalist Fabris Xokinsning so‘zlariga ko‘ra, "Sanderlend" allaqachon Disasi uchun rasmiy taklif tayyorlamoqda, shuningdek, sotib olish opsiyasi bilan ijaraga olish imkoniyatini ko‘rib chiqayotgan "Bornmut" ham shartnoma imzolashdan manfaatdor.
O‘tgan mavsumning ikkinchi qismida Aksel Disasi "Aston Villa" safida ijara asosida to‘p tepgan edi. Transfermarkt portali 27 yoshli futbolchining transfer qiymatini 22 mln yevroga baholamoqda, uning "Chelsi" bilan shartnomasi 2029 yilgacha mo‘ljallangan.
