"Liverpul" bosh murabbiyi Arne Slot jamoasi "Nyukasl" ustidan qozonilgan g‘alabadan (3:2) keyingi hissiyotlari bilan o‘rtoqlashdi.
Mersisaydliklar birinchi bo‘lim oxiridan ko‘pchilik bo‘lib o‘ynashdi, ammo tanaffusdan keyin qiyinchilikka duch kelishdi: "hakkalar" 57 va 88-daqiqalarda ikkita gol urib, muvozanatni tiklay olishdi. Uchrashuv taqdiri qo‘shib berilgan 10-daqiqada hal bo‘ldi. "Qizillar"ning Premer-ligada debyut qilgan 16 yoshli vingeri Rio Ngumoxa zaxiradan maydonga tushganidan ko‘p o‘tmay g‘alaba goliga mualliflik qildi.
"16 yoshli yigit uchun ajoyib gol. Rio yoshiga nisbatan hujumlarni juda zo‘r yakunlamoqda. U o‘ziga juda ishonadi, ajoyib yakunlovchi," - dedi o‘yindan keyin OAV bilan suhbatda Slot.
