"Ливерпуль" бош мураббийи Арне Слот жамоаси "Ньюкасл" устидан қозонилган ғалабадан (3:2) кейинги ҳиссиётлари билан ўртоқлашди.
Мерсисайдликлар биринчи бўлим охиридан кўпчилик бўлиб ўйнашди, аммо танаффусдан кейин қийинчиликка дуч келишди: "ҳаккалар" 57 ва 88-дақиқаларда иккита гол уриб, мувозанатни тиклай олишди. Учрашув тақдири қўшиб берилган 10-дақиқада ҳал бўлди. "Қизиллар"нинг Премер-лигада дебют қилган 16 ёшли вингери Рио Нгумоха захирадан майдонга тушганидан кўп ўтмай ғалаба голига муаллифлик қилди.
"16 ёшли йигит учун ажойиб гол. Рио ёшига нисбатан ҳужумларни жуда зўр якунламоқда. У ўзига жуда ишонади, ажойиб якунловчи," - деди ўйиндан кейин ОАВ билан суҳбатда Слот.
