"Nyukasl" "Vulverxempton"ga hujumchi Yorgen Strand Larsen bo‘yicha ikkinchi taklif bilan chiqdi, deb xabar berdi X ijtimoiy tarmog‘ida insayder Fabrisio Romano.

Manbaga ko‘ra, "hakkalar" 25 yoshli norvegiyalik uchun 55 million funt taklif qilgan, ammo rad javobini olgan.

Larsenning amaldagi shartnomasi 2029 yilga qadar imzolangan. Transfermarkt portali futbolchining transfer qiymatini 26 million funtga baholagan.

Bu mavsumda Larsen barcha musobaqalarda 3 ta o‘yinda maydonga tushib, 2 ta gol urdi.