Entoni Gordon Virjil van Deykka qo‘pollik qilgani uchun uzr so‘radi.
“Liverpul” dushanba kuni APLning 2-turi doirasida safarda “Nyukasl”ni mag‘lub etdi (3:2).
45-daqiqada mezbonlar vingeri Entoni Gordon Virjil van Deykni maydon markazi yaqinida yiqitdi. Uchrashuv bosh hakami Saymon Xuper dastlab angliyalik futbolchiga sariq kartochka ko‘rsatdi, biroq videotakrorni ko‘rib chiqib, qarorini o‘zgartirdi va futbolchini maydondan chetlatdi.
“Jamoadoshlarim va muxlislarimdan chin dildan kechirim so‘rayman, menda hech qanday yomon niyat yo‘q edi – men shunchaki o‘yinga kuch qo‘shishga harakat qilgandim, lekin vaziyatga noto‘g‘ri yondashdim.
Men hech qachon ataylab bunday to‘qnashuvga bormagan bo‘lardim. Biz o‘yindan keyin gaplashdik va van Deyk buni tushunadi.
Lekin eng muhimi, maydonda o‘tkazgan vaqtim va bugungi o‘yinimiz bilan faxrlanaman”, dedi “Nyukasl” vingeri Entoni Gordon.
