Энтони Гордон Виржил ван Дейкка қўполлик қилгани учун узр сўради.

“Ливерпуль” душанба куни АПЛнинг 2-тури доирасида сафарда “Ньюкасл”ни мағлуб этди (3:2).

45-дақиқада мезбонлар вингери Энтони Гордон Виржил ван Дейкни майдон маркази яқинида йиқитди. Учрашув бош ҳаками Саймон Хупер дастлаб англиялик футболчига сариқ карточка кўрсатди, бироқ видеотакрорни кўриб чиқиб, қарорини ўзгартирди ва футболчини майдондан четлатди.

“Жамоадошларим ва мухлисларимдан чин дилдан кечирим сўрайман, менда ҳеч қандай ёмон ният йўқ эди – мен шунчаки ўйинга куч қўшишга ҳаракат қилгандим, лекин вазиятга нотўғри ёндашдим.

Мен ҳеч қачон атайлаб бундай тўқнашувга бормаган бўлардим. Биз ўйиндан кейин гаплашдик ва ван Дейк буни тушунади.

Лекин энг муҳими, майдонда ўтказган вақтим ва бугунги ўйинимиз билан фахрланаман”, деди “Ньюкасл” вингери Энтони Гордон.