"Manchester Yunayted"ning braziliyalik vingeri Antoni jamoani tark etishni juda xohlamoqda. Bu haqda Sun Sport xabar bermoqda.

Manbaga ko‘ra, 25 yoshli futbolchi "Manchester Yunayted"dan ketishni shunchalik xohlayaptiki, hatto o‘z uyidan ham ko‘chib ketgan. Ta’kidlanishicha, braziliyalik aeroport yaqinidagi mehmonxonadan xona olgan.

Avvalroq, Antonining o‘tgan mavsumning ikkinchi qismida ijara asosida to‘p tepgan "Betis"ga qaytishga yaqinligi haqida xabarlar tarqalgan edi.

Antoni Ispaniyaning "Betis" klubi safida barcha musobaqalarda 26 ta o‘yinda maydonga tushib, 9 ta gol urdi va 5 ta golli uzatmani o‘z hisobiga yozdirib qo‘ydi.