Portugaliya chempionatining o‘tgan mavsum bronza medali sohibi "Portu" "Nissa" futbolchisi Pablo Rosario bilan shartnoma imzolaganini e’lon qildi. Tegishli xabar "ajdarlar" saytida e’lon qilindi.

Dominikan terma jamoasi yarim himoyachisi yangi jamoasiga 3,75 million yevroga tushgan. Yana 500 ming "Nissa"ga bonus sifatida berilishi mumkin. Shartnoma muddati 4 yil bo‘lib, fransuz klubi Rosarioning keyingi sotuvidan 15% oladi. Futbolchi 50 million yevro tovon puli to‘lasa, "Portu"ni tark etishi mumkin.

Asosan tayanch zonasida harakat qiladigan Rosario "Nissa" safida jami 149 ta o‘yinda (4 ta gol, 6 ta assist, 28 ta ogohlantirish va 2 ta chetlatish) maydonga tushgan.