"Qayrat" tarixda birinchi marta Chempionlar ligasining asosiy bosqichiga chiqdi. Bu borada Qozog‘iston jamoasi bosh murabbiyi Rafael Urazbaxtin izoh berdi.
"Rostini aytsam, boshida bunchalik uzoqqa boramiz, deb o‘ylamagandik. Ehtimol, biz o‘zimizga qo‘ygan minimum Konferensiyalar Ligasiga chiqish edi. O‘yinlar boshlanganda esa asta-sekin ishonch paydo bo‘ldi, yigitlar o‘z kuchlariga ishonishdi," - deya Urazbaxtinning so‘zlarini keltiradi "Chempionat."
"Qayrat" murabbiyi futbolchilar o‘z maydonida "Slovan" ustidan qozonilgan g‘alabadan so‘ng Chempionlar ligasining umumiy bosqichiga chiqish imkoniyatiga ishonishganini ta’kidladi.
