"Қайрат" тарихда биринчи марта Чемпионлар лигасининг асосий босқичига чиқди. Бу борада Қозоғистон жамоаси бош мураббийи Рафаэль Уразбахтин изоҳ берди.
"Ростини айтсам, бошида бунчалик узоққа борамиз, деб ўйламагандик. Эҳтимол, биз ўзимизга қўйган минимум Конференциялар Лигасига чиқиш эди. Ўйинлар бошланганда эса аста-секин ишонч пайдо бўлди, йигитлар ўз кучларига ишонишди," - дея Уразбахтиннинг сўзларини келтиради "Чемпионат."
"Қайрат" мураббийи футболчилар ўз майдонида "Слован" устидан қозонилган ғалабадан сўнг Чемпионлар лигасининг умумий босқичига чиқиш имкониятига ишонишганини таъкидлади.
