Angliyaning "Nottingem Forest" klubi markaziy himoyachisi David Karmo tez orada Ispaniyaning "Ovyedo" klubiga borib qo‘shilishi kutilmoqda. Bu haqda Marca xabar bermoqda.

Manbaga ko‘ra, "Braga" tarbiyalanuvchisi bo‘lgan va Angola terma jamoasida o‘ynagan baland bo‘yli (196 sm) portugaliyalik futbolchi sotib olish huquqi bilan ijaraga ketishi mumkin.

O‘tgan mavsumda Karmo "Portu" safida 1 ta, "Olimpiakos" safida esa 34 ta o‘yinda maydonga tushdi (1 ta gol, 7 ta ogohlantirish va 1 ta chetlatish). 26 yoshli futbolchining transfer narxi 10 million yevroga baholanmoqda.