Англиянинг "Ноттингем Форест" клуби марказий ҳимоячиси Давид Кармо тез орада Испаниянинг "Овьедо" клубига бориб қўшилиши кутилмоқда. Бу ҳақда Marca хабар бермоқда.
Манбага кўра, "Брага" тарбияланувчиси бўлган ва Ангола терма жамоасида ўйнаган баланд бўйли (196 см) португалиялик футболчи сотиб олиш ҳуқуқи билан ижарага кетиши мумкин.
Ўтган мавсумда Кармо "Порту" сафида 1 та, "Олимпиакос" сафида эса 34 та ўйинда майдонга тушди (1 та гол, 7 та огоҳлантириш ва 1 та четлатиш). 26 ёшли футболчининг трансфер нархи 10 миллион еврога баҳоланмоқда.













