Hujumkor yarim himoyachi Xavi Simons "RB Leypsig"dan "Tottenxem"ga o‘tdi.
22 yoshli niderlandiyalik futbolchi London shimolidagi klubga o‘tganidan keyin o‘z fikrini bildirib o‘tdi.
"Men juda baxtliman va o‘yinlar boshlanishini intiqlik bilan kutyapman. Men buni anchadan beri orzu qilardim. "Tottenxem" - ajoyib klub. Bosh murabbiy bilan uchrashganimda, bu men uchun munosib joy ekanligini darhol tushundim. Jamoaga o‘z iqtidorimni, shuningdek, mashaqqatli mehnat va intizomni olib kelaman. G‘alabalar uchun - jamoa va muxlislar uchun qo‘limdan kelganini qilmoqchiman," - deb Simonsning so‘zlarini keltiradi "Tottenxem" sayti.
Premyer-liganing ortda qolgan ikki turida "Tottenxem" 6 ochko jamg‘ardi.
