Bugun, 30 avgust kuni Angliya Premyer-ligasining 3-turidan o‘rin olgan bahsda "Chelsi" o‘z maydonida "Fulxem"ni qabul qildi. Uchrashuv 2:0 hisobida "ko‘klar"ning g‘alabasi bilan yakunlandi.
Bu natija orqali Enso Mareska shogirdlari Premyer-ligadagi uy uchrashuvlaridagi mag‘lubiyatsiz seriyasini 12 o‘yinga yetkazishdi. Bu oraliqda "Chelsi" to‘qqizta g‘alaba va uchta durang qayd etdi. Shuni alohida ta’kidlash kerakki, 7 ta uchrashuvda poytaxt klubi o‘z darvozasi daxlsizligini saqlab qolgan.
Ayni vaqtda "Chelsi" 7 ochko bilan APL turnir jadvalida peshqadamlik qilmoqda. "Ko‘klar"ning navbatdagi raqibi "Brentford" (13 sentyabr) bo‘ladi.
