"Manchester Yunayted" hujumchisi Rasmus Xyoylundni "Napoli"ga o‘tishdan oldin tibbiy ko‘rikdan o‘tish uchun Rimda kutib olishdi. Bu haqda jurnalist Janluka di Marsio xabar bermoqda.
Agar tibbiy ko‘rikdan muvaffaqiyatli o‘tsa, 22 yoshli daniyalik "Napoli"ga ijara asosida o‘tadi.
Avvalroq, neapolliklar Xyoylundning ijarasi uchun 6 mln yevro to‘lashi haqida xabarlar tarqalgan edi. Shartnomada futbolchini 44 mln yevroga sotib olish imkoniyati ko‘rsatilgan bo‘ladi.













