"Brayton" "Manchester Siti"ni 2:1 hisobida mag‘lub etdi. Penaltidan urilgan goldan so‘ng yarim himoyachi Jeyms Milner xuddi Diogu Jota kabi golni nishonladi. O‘yindan keyin "Liverpul"ning sobiq sardori o‘z fikrini bildirdi.
"Albatta, Diogu Jota hamma uchun juda katta ahamiyatga ega edi. Bu mavsumda uning raqamini kiyish men uchun katta sharaf", - dedi Milner Sky Sports’ga.
"Afsuski, endi terma jamoalar o‘yinlari uchun tanaffus bor. G‘alabadan keyin ham shu ruhni saqlab qolishni istardik," - deya qayd etdi 39 yoshli futbolchi.













