"Barselona" bosh murabbiyi Xans-Diter Flik jamoaning "Rayo Valyekano"ga (1:1) qarshi o‘yindagi muvaffaqiyatsizligining asosiy sabablari haqida gapirdi.
"Joan Garsiya, Erik Garsiya va Kristensen yaxshi edi. Asosiy muammo hujum va yarim himoyada edi. Biz juda ko‘p xatolarga yo‘l qo‘ydik. Bugun o‘yinimizda odatdagidek keskinlik bo‘lmadi, keraklicha ustunlik qilmadik. Juda ko‘p to‘p yo‘qotdik - bu ustida ishlash kerak. "Barselona"da xudbinlikka o‘rin yo‘q. O‘tgan mavsumda jamoamiz bir butun edi - hozir ham shunga erishish kerak. Muammolarni hal qilish uchun xalqaro pauzadan foydalanishga harakat qilamiz," - dedi Flik matbuot anjumanida.
