"Barselona" bosh murabbiyi Xans-Diter Flik darvozabon Joan Garsiyaning "Rayo Valyekano"ga qarshi o‘yindagi (1:1) ishtiroki haqida o‘z fikrlari bilan o‘rtoqlashdi.
24 yoshli darvozabon raqiblarning beshta zarbasini qaytarib, uchrashuv qahramoniga aylandi. Aynan Garsiya uchrashuvning eng yaxshi futbolchisi deb topildi.
"Joanni ajoyib o‘yini bilan tabrikladim. U jamoani qanday qutqarib qolgani, o‘yinni qanday qurganini ko‘rish juda zo‘r bo‘ldi.
U birorta ham xatoga yo‘l qo‘ymadi va katta ishonch bilan hujumlarni boshladi. Shunday futbolchi bilan shartnoma imzolashga muvaffaq bo‘lganimizdan xursandman", - dedi Flik o‘yindan keyingi intervyusida.
