"Барселона" бош мураббийи Ханс-Дитер Флик дарвозабон Жоан Гарсиянинг "Райо Вальекано"га қарши ўйиндаги (1:1) иштироки ҳақида ўз фикрлари билан ўртоқлашди.
24 ёшли дарвозабон рақибларнинг бешта зарбасини қайтариб, учрашув қаҳрамонига айланди. Айнан Гарсия учрашувнинг энг яхши футболчиси деб топилди.
"Жоанни ажойиб ўйини билан табрикладим. У жамоани қандай қутқариб қолгани, ўйинни қандай қурганини кўриш жуда зўр бўлди.
У бирорта ҳам хатога йўл қўймади ва катта ишонч билан ҳужумларни бошлади. Шундай футболчи билан шартнома имзолашга муваффақ бўлганимиздан хурсандман", - деди Флик ўйиндан кейинги интервьюсида.
