Rimning "Roma" klubi markaziy hujumchisi Artyom Dovbik "Milan"ga o‘tmaydi. Bu haqda Sky Sports xabar bermoqda.

Rim klubi sport direktori Frederik Massara ta’kidlaganidek, ukrainalik hujumchi "bo‘rilar" safidagi faoliyatini davom ettiradi. "Roma"dagilar Dovbikning jamoada qolganidan mamnun.

Italiya chempionatining o‘tgan mavsumida 28 yoshli hujumchi 32 ta uchrashuvda maydonga tushib, o‘z hisobiga 12 ta gol va ikkita golli uzatmani yozdirib qo‘ydi. Transfermarkt portali bahosiga ko‘ra, futbolchining bozor narxi 30 million yevroga baholanmoqda.