Milanning "Inter" klubi qanot himoyachisi Benjamen Pavar Fransiya chempionatiga ko‘chib o‘tdi. 29 yoshli futbolchining yangi ish joyi "Marsel" bo‘ldi.
Provansal klubi matbuot xizmatining ma’lum qilishicha, futbolchi bilan 15 million yevroga sotib olish huquqi bilan ijara shartnomasi imzolangan. Bir mavsumga ijara Fransiya klubiga 2,5 mln yevroga tushadi.
Benjamen Italiya A Seriyasining o‘tgan mavsumida 23 ta o‘yinda ishtirok etdi. Himoyachi bitta golli uzatma amalga oshirdi va to‘rtta sariq kartochka oldi. "Inter" bilan birgalikda u Italiya chempionatida ikkinchi o‘rinni egalladi va UYEFA Chempionlar Ligasi finaliga chiqdi.













