Миланнинг "Интер" клуби қанот ҳимоячиси Бенжамен Павар Франция чемпионатига кўчиб ўтди. 29 ёшли футболчининг янги иш жойи "Марсель" бўлди.
Провансал клуби матбуот хизматининг маълум қилишича, футболчи билан 15 миллион еврога сотиб олиш ҳуқуқи билан ижара шартномаси имзоланган. Бир мавсумга ижара Франция клубига 2,5 млн еврога тушади.
Бенжамен Италия А Сериясининг ўтган мавсумида 23 та ўйинда иштирок этди. Ҳимоячи битта голли узатма амалга оширди ва тўртта сариқ карточка олди. "Интер" билан биргаликда у Италия чемпионатида иккинчи ўринни эгаллади ва УЕФА Чемпионлар Лигаси финалига чиқди.
