"Kristal Pelas" himoyachisi Mark Gexi allaqachon "Liverpul" futbolchisi bo‘lishi mumkin edi, ammo transfer barbod bo‘ldi. Gap-so‘zlarga ko‘ra, London jamoasi bosh murabbiyi Oliver Glasner kelishuv buzilishining tashabbuskori bo‘lgan. Nemis murabbiyi o‘rinbosar yo‘qligini hisobga olib, Gexini qo‘yib yuborishga tayyor emas edi.
The Times nashrining yozishicha, Mark Gexi "Kristal Pelas"ning shartnomani uzaytirish bo‘yicha har qanday taklifini rad etadi. Endi himoyachi kelasi yozda erkin agent sifatida London jamoasidan ketishga qaror qildi.
Avvalroq 25 yoshli Gexi "Enfild"ga ko‘chib o‘tish barbod bo‘lganidan norozi bo‘lib, "Kristal Pelas"da sardorlik bog‘ichidan voz kechishi mumkinligi xabar qilingandi.
