Kataloniyaning «Barselona» klubida to‘p surayotgan ispaniyalik hujumchi Ferran Torres o‘z kelajagi borasida bir qarorga keldi. Bu haqda jurnalist David Bernabeu xabar bermoqda.
Insayderga ma’lum bo‘lishicha, hujumchi faoliyatini davom ettirish bo‘yicha ikkita variantni ko‘rib chiqishga tayyor: yangi shartnoma imzolash yoki klubni erkin agent sifatida tark etish. Ferran «Barselona»dan transfer orqali (klubga pul olib keladigan sotuv sifatida) ketishni istamayapti.
26 yoshli hujumchi kataloniyaliklar safini 2022 yilning yanvar oyida to‘ldirgan edi. Torresning «ko‘k-anorranglilar» bilan amaldagi shartnomasi 2027 yilning iyun oyi oxirida yakuniga yetadi. Transfermarkt portali ekspertlari Ferranning transfer qiymatini 50 million yevroga baholamoqda.
