Argentina terma jamoasi hujumchisi Lionel Messi 2026 yilgi jahon chempionati saralashidan o‘rin olgan Ekvadorga qarshi bahsda maydonga tushmasligi mumkin.

Uchrashuv 10 sentyabrga belgilangan. Messi jamoa bilan Ekvadorga bormasligi ehtimoli yuqori, deb xabar bermoqda Dsports, chunki Argentinada 38 yoshli superyulduzni yangi jarohatlardan saqlab qolishmoqchi. "Albiseleste" bo‘lajak mundialda ishtirok etishini allaqachon kafolatlagan bo‘lsa, "Inter Mayami"ni mavsumning hal qiluvchi bahslari kutib turibdi. Argentinaliklar yetakchisi Lionel Skaloni yoshi katta futbolchiga ortiqcha yuklama bermoqchi emas.

5 sentyabr kuni Argentina o‘z uyida Venesuelani qabul qiladi. O‘yin Toshkent vaqti bilan 04:30 da boshlanadi.