Аргентина терма жамоаси ҳужумчиси Лионель Месси 2026 йилги жаҳон чемпионати саралашидан ўрин олган Эквадорга қарши баҳсда майдонга тушмаслиги мумкин.

Учрашув 10 сентябрга белгиланган. Месси жамоа билан Эквадорга бормаслиги эҳтимоли юқори, деб хабар бермоқда Dsports, чунки Аргентинада 38 ёшли суперюлдузни янги жароҳатлардан сақлаб қолишмоқчи. "Албиселесте" бўлажак мундиалда иштирок этишини аллақачон кафолатлаган бўлса, "Интер Майами"ни мавсумнинг ҳал қилувчи баҳслари кутиб турибди. Аргентиналиклар етакчиси Лионель Скалони ёши катта футболчига ортиқча юклама бермоқчи эмас.

5 сентябрь куни Аргентина ўз уйида Венесуэлани қабул қилади. Ўйин Тошкент вақти билан 04:30 да бошланади.