Taniqli murabbiy Xorxe Sampaoli Braziliyaning "Atletiko Mineyro" klubi bosh murabbiyligiga tayinlanish arafasida turibdi. Jamoa avgust oyining oxirida, Kukning iste’fosidan so‘ng murabbiysiz qoldi. Insayder Nikolo Skiraning ma’lum qilishicha, yaqin orada "qora-oqlar"ni 65 yoshli Sampaoli boshqarishi kutilmoqda. Tomonlar 2027 yil oxirigacha mo‘ljallangan mehnat shartnomasini tuzishga yaqin.
Xorxe Sampaolining so‘nggi ish joyi Fransiyaning "Renn" klubi bo‘lib, argentinalik yanvar oyida ishdan bo‘shatilgan. Mutaxassis 2020 yilning martidan 2021 yilning fevraligacha "Atletiko Mineyro"da murabbiylik qilgan.













