Shu yilning 28-31 avgust kunlari Belgiyaning Ronse shahrida para velosport bo‘yicha navbatdagi Jahon chempionati bo‘lib o‘tdi.

Dunyoning 49 ta mamlakatidan jami 350 nafardan ziyod sportchi qatnashgan ushbu nufuzli musobaqada O‘zbekiston milliy terma jamoasi a’zolari ham ishtirok etib, yakunda 4 ta kumush va 1 ta bronza medallarini qo‘lga kiritgan holda Osiyo jamoalari orasidagi eng yaxshi natijani qayd etishdi.

Matonatli sportchilarimiz Toshkent xalqaro aeroportida O‘zbekiston Milliy Paralimpiya qo‘mitasi rahbariyati, OAV vakillari hamda yaqinlari tomonidan kutib olindi.

Ma’lumot o‘rnida, Belgiyadagi Jahon chempionatida sportchilarimizdan Marjona Pardaboyeva va Pokiza Axmadbekova ikkitadan kumush, Aziz Ataxo‘jayev esa bronza medaliga ega chiqqandi.