Angliyalik taniqli sobiq futbolchi Maykl Ouen "Bavariya" hujumchisi Xarri Keyn haqidagi fikrlari bilan o‘rtoqlashdi. "Tottenxem"ning sobiq yulduzi uchinchi mavsumni Germaniyada o‘tkazmoqda - u 2023 yilning yozida o‘tgandi.
"Keyn - ajoyib o‘yinchi, u hujumlarni ajoyib yakunlaydi, ammo uning Germaniyaga ketish qarorini haligacha tushunmayapman. U Premyer-liga tarixidagi eng yaxshi to‘purar bo‘lishga yaqin edi, uning bolalari o‘sha paytda allaqachon maktabga borishgan edi va u to‘satdan ketishga qaror qildi. Men buni tushunmayapman. Xuddi shunday muvaffaqiyat bilan u "Seltik"ga o‘tishi va har yili chempionlikni qo‘lga kiritishi mumkin edi, ammo buning hech qanday ahamiyati yo‘q. Haqiqatan ham, APL tarixidagi eng yaxshi to‘purar bo‘lish - buyuk natija. Lekin baribir Keynni juda yaxshi ko‘raman va yillar davomida uning o‘yinlariga qoyil qolaman," - dedi Ouen Rio Ferdinand podkastida.
