"Manchester Yunayted" darvozaboni Andre Onana tumanli Albionni Turkiya chempionatiga almashtirishi mumkin. Bu haqda Tribal Football jurnalistlari xabar bermoqda.

Manba ma’lumotlariga ko‘ra, kamerunlik darvozabonni o‘z safiga qo‘shib olishdan "Trabzonspor" manfaatdor. Ta’kidlash joizki, Turkiyada yozgi transferlar oynasi 12 sentyabrgacha ochiq. Turklar 29 yoshli afrikalik futbolchini muddati tugagunga qadar ijaraga olishni rejalashtirmoqda.

Onananing mankunianliklar bilan shartnomasi 2028 yilgacha mo‘ljallangan. Uning transfer narxi 25 million yevroni tashkil etadi.