"Manchester Yunayted" tez orada Tirell Malasia bilan xayrlashishi mumkin.

ESPN xabariga ko‘ra, mankunianliklar transferlarning so‘nggi kunida klubni tark eta olmagan himoyachining ketish variantlarini hamon o‘rganmoqda.

Niderlandiyalik futbolchining "Elche"ga ijara asosida o‘tishi transfer oynasi oxirida barbod bo‘ldi. 26 yoshli futbolchi tarkibda Ruben Amorim rejalariga kiritmagan yagona futbolchi bo‘lib qoldi.

Qayd etilishicha, Malasia bo‘yicha yakuniy qarorni aynan bosh murabbiy qabul qiladi. Shunday bo‘lsa-da, klub himoyachini transfer oynasi ochilgan mamlakatga transfer qilish uchun hamon ochiq. Ular orasida Belgiya (8 sentyabrgacha), Turkiya (12 sentyabrgacha) va Saudiya Arabistoni (23 sentyabrgacha) bor.