"Манчестер Юнайтед" тез орада Тирелл Маласиа билан хайрлашиши мумкин.
ESPN хабарига кўра, манкунианликлар трансферларнинг сўнгги кунида клубни тарк эта олмаган ҳимоячининг кетиш вариантларини ҳамон ўрганмоқда.
Нидерландиялик футболчининг "Эльче"га ижара асосида ўтиши трансфер ойнаси охирида барбод бўлди. 26 ёшли футболчи таркибда Рубен Аморим режаларига киритмаган ягона футболчи бўлиб қолди.
Қайд этилишича, Маласиа бўйича якуний қарорни айнан бош мураббий қабул қилади. Шундай бўлса-да, клуб ҳимоячини трансфер ойнаси очилган мамлакатга трансфер қилиш учун ҳамон очиқ. Улар орасида Бельгия (8 сентябргача), Туркия (12 сентябргача) ва Саудия Арабистони (23 сентябргача) бор.
