AQSH terma jamoasi bosh murabbiyi Maurisio Pochettino Madridning "Real" klubiga murabbiy bo‘lishi qanday barbod bo‘lganini aytib berdi.
"Futbolchi sifatida men "Real"da o‘ynash imkoniyatiga ega edim, ammo bunday bo‘lmadi. Murabbiy sifatida ham imkoniyatlar bo‘lgan, lekin futbolda ba’zida shunday bo‘lib turadi.
Bu haqda gapirish kerakmi-yo‘qmi, bilmayman. Zidan [2018 yilda] ketganida, "Real"ga o‘tish ehtimoli bo‘lgani mantiqan to‘g‘ri. Boshqa murabbiylarda ham bo‘lsa kerak. Ammo men Daniel Leviga "Tottenxem" uchun yangi stadion qurib bitkazilmaguncha qolishga va’da bergandim. Keyin agar Levi rozi bo‘lsa, "Real"ga o‘tishimni aytdim. Keyin nima bo‘lganini bilmayman. Ruxsat bermagan bo‘lsa kerak.
Florentino Peres buni qanday qabul qilganini bilmayman. Bu mening aybim emas. Shartnomam bor edi. Ammo omad kelsa, hech qachon kech emas," - dedi Pochettino Chiringuito TV’ga.
