"Fenerbaxche" Joze Mourinyo bilan xayrlashganidan keyin jamoaga yangi bosh murabbiy qidirmoqda.
Istanbul klubi Luchano Spalletti va Anje Postekoglu bilan bog‘lanishdi, ammo rad javobini olishdi.
Fanatik xabariga ko‘ra, Spalletti "Fenerbaxche" taklifini xushmuomalalik bilan rad etgan. Italiya terma jamoasining sobiq ustozi endi oilasi bilan vaqt o‘tkazishni istashini va hech qanday taklifni ko‘rib chiqmasligini aytdi.
O‘tgan mavsumda "Tottenxem" bilan Yevropa ligasida g‘olib chiqqan Postekoglu boshqa klub bilan og‘zaki kelishuvga erishgani haqida xabar berdi.
