Londonning "Chelsi" klubi kelasi yili "Aston Villa" hujumkor yarim himoyachisi Morgan Rojersni sotib olish imkoniyatini ko‘rib chiqmoqda.
O‘tgan yozda inglizga "Tottenxem", "Arsenal" va boshqa grandlar qiziqish bildirgandi. Da’vogarlar orasida "Chelsi" ham bor edi, biroq kelishuv amalga oshmadi, chunki "ko‘klar" transfer ustida kech ishlay boshladi. TBR Football xabariga ko‘ra, "aristokratlar" bosslari "villa"ning 23 yoshli yulduzini 2026 yil uchun ustuvor maqsadlardan biri sifatida belgilagan.
Transfermarkt portali mutaxassislari Morgan Rodjersning narxini 55 mln yevroga baholamoqda. Futbolchining "Aston Villa" bilan amaldagi shartnomasi 2030 yilning yarmigacha mo‘ljallangan.













