Niderlandiya terma jamoasi va Milanning "Inter" klubi qanot himoyachisi Denzel Dyumfris 2025 yilda "Oltin to‘p" uchun nomzodlar ro‘yxatidan joy olishi haqida gapirdi.
"Bu men uchun alohida lahza. Garchi buni kutganimni tan olaman. Dunyoning eng yaxshi 30 futbolchisi ro‘yxatiga kirganimdan juda xursandman. Bu men uchun katta sharaf. Bunday yutuq faqat oldinga intilishga turtki beradi," - deya niderlandiyalik futbolchining so‘zlarini keltiradi FCInterNews.
Nufuzli mukofot sohibi 22 sentyabr kuni e’lon qilinadi. Eslatib o‘tamiz, o‘tgan yili "Oltin to‘p"ni Ispaniya terma jamoasi va "Manchester Siti" yarim himoyachisi Rodri Ernandes qo‘lga kiritgan edi.













