Нидерландия терма жамоаси ва Миланнинг "Интер" клуби қанот ҳимоячиси Дензел Дюмфрис 2025 йилда "Олтин тўп" учун номзодлар рўйхатидан жой олиши ҳақида гапирди.
"Бу мен учун алоҳида лаҳза. Гарчи буни кутганимни тан оламан. Дунёнинг энг яхши 30 футболчиси рўйхатига кирганимдан жуда хурсандман. Бу мен учун катта шараф. Бундай ютуқ фақат олдинга интилишга туртки беради," - дея нидерландиялик футболчининг сўзларини келтиради FCInterNews.
Нуфузли мукофот соҳиби 22 сентябрь куни эълон қилинади. Эслатиб ўтамиз, ўтган йили "Олтин тўп"ни Испания терма жамоаси ва "Манчестер Сити" ярим ҳимоячиси Родри Эрнандес қўлга киритган эди.
