"Fulxem" hujumchi Rodrigo Munis bilan yaxshilangan shartlar asosida yangi shartnoma imzolashni rejalashtirmoqda, deb xabar beradi GiveMeSport.
Manbaga ko‘ra, londonliklar 24 yoshli braziliyalikning yozgi transferlar vaqtida "Atalanta"dan jiddiy qiziqish bo‘lganiga qaramay, jamoada qolganidan mamnun bo‘lishgan.
2024/25 yilgi mavsumda Munis "Fulxem" safida barcha musobaqalarda 36 ta o‘yinda maydonga tushib, 11 ta gol urdi va 2 ta golli uzatmani amalga oshirdi. Uning shartnomasi 2026 yilning 30 iyuniga qadar amal qiladi.
Transfermarkt portali futbolchining transfer qiymatini 20 million yevroga baholagan.
