"Inter" va Argentina terma jamoasi hujumchisi Lautaro Martines o‘z o‘yiniga baho berdi.

"Har kim o‘yinchilarni o‘z bilganicha baholaydi, juda yuqori saviyadagi hujumchilar bor. Ammo so‘nggi yillarda qilgan ishlarim kuchli beshlikka kirishimga imkon beradi," - deya Martinesning so‘zlarini keltiradi L'Equipe.

O‘tgan mavsumda forvard "neradzurrilar" libosida barcha musobaqalarda 53 ta o‘yinda maydonga tushib, o‘z hisobiga 24 ta gol va 7 ta golli uzatmani yozdirib qo‘ygan. Transfermarkt portali Martinesni 95 mln yevroga baholamoqda.