Fransiyaning "Lion" klubi vingeri Malik Fofana yozda "Liverpul" va "Chelsi"ning transfer bo‘yicha takliflarini qabul qilmaganiga izoh berdi.

"Bu yetarlicha aniq emas edi. Transfer haqida o‘yladim, lekin hozir ko‘proq o‘ynashim muhimroq bo‘lsa kerak. Bu "Lion"da sodir bo‘lishi kerak, chunki hali oldinga siljishim kerak," - deya futbolchining so‘zlarini keltiradi hbvl.be portali.

Bozor narxi 30 million yevroga baholanayotgan 20 yoshli belgiyalik futbolchi joriy mavsum 3 ta o‘yinda maydonga tushib, 1 ta gol urgan va 1 ta golga hammualliflik qilgan. O‘tgan mavsumda esa 41 ta o‘yinda 11 ta gol va 6 ta golli uzatmaga mualliflik qilgan.