2026 yilgi Jahon chempionati saralash bosqichida Avstriya va Kipr terma jamoalari o‘rtasidagi o‘yin ikkinchi taymda to‘xtatildi. Sababi, Avstriya jamoasining jarima maydoni yaqinida chuqur paydo bo‘lgan edi - shunchalik kattaki, futbolchilar unga yaqinlashib, to‘piqlarigacha bemalol oyoqlarini tiqishgan! Albatta, maydonning bunday nuqsoni bilan o‘ynash xavfli edi, chunki o‘yinchi yugurib ketayotib bunday chuqurga oyog‘i tushib qolsa, jiddiy jarohat olishi mumkin edi.

Shunday qilib, o‘yin davom ettirilishidan oldin Avstriya stadioni xodimlari maydonni tartibga keltirishga majbur bo‘lishdi. Bu voqea 1:0 hisobida ro‘y berdi - Avstriya Marsel Zabiserning penaltidan urgan golidan so‘ng hisobda oldinda edi.